Plantun de Prouvènço

Pèr coumpara dos planto d'encò nostre

Cytisus spinosus & Aegilops cylindrica

Argeiras

Cytisus spinosus

Fabaceae Leguminosae

Àutri noum : Argelas, Argela, Argieras, Argeirau.

Noms en français : Calicotome épineux, Cytise épineux.

Descripcioun :
Es un aubret proun dur e pougnènt que se recounèis à soun pichot calice e à si ramo sènso péu e rufado de 10 à 12 costo. Li fueio soun coumpausado de 3 fueioun tambèn sènso péu sus lou dessubre (au contro dessouto n'i'a). La dòusso porto dos alo. I'agrado li relarg safranous.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Aubret
Taio : 1 à 3 m
Fueio : coumpausado
Tipe bioulougico : Faneroufite
Cicle bioulougico : Planto renadivo

Gènre : Cytisus
Famiho : Fabaceae
Famiho classico : Leguminosae

Ordre : Fabales

Coulour de la flour : Jauno
Petalo : irreguliero
Ø (o loungour) flour : 10 à 18 mm
Flourido : Printèms

Sòu : Si
Autour basso e auto : 0 à 800 m
Aparado : Noun
Abriéu à mai

Liò : Champino - Garrigo
Estànci : Termoumediterran à Mesoumediterran
Couroulougi : Estenoumediterrano
Ref. sc. : Cytisus spinosus (L.) Bubani, 1899 (= Calicotome spinosa (L.) Link, 1822 )

Blad-dóu-diable(-di-long)

Aegilops cylindrica

Poaceae Graminaceae

Nom en français : Égilope cylindrique.

Descripcioun :
Aquéu blad-dóu-diable vèn de Turquìo e se pòu trouba d'eici d'eila dins li champ e lis escoumbre. Aleva noste relarg d'auto Prouvènço èi pulèu rare. Se recounèis à sa longo espigo que fai uno meno de cilindre de 4 mm de diamètre. Lis arèsto di glumo e di lemma soun courteto à la baso e loungarudo au soumet de l'espigo. Coumpara amé Aegilops ventricosa que ié sèmblo, mai que lis espigueto soun pu redouno.

Usanço :
Li blad-dóu-diable soun proche dis àvi fèr de nòsti blad cultiva. Soun adounc bon à manja, mai sara un pau long pèr n'en acampa li grano. Èron acampa en Sicilo à passa tèms.